რესურსები

რესურსის სახელწოდება:  „დიდი წიგნი“

საგანი: ქართული,როგორც მეორე ენა

კლასი: I-II

რესურსის გამოყენების ინსტრუქცია:

წიგნს ვდებთ სადგარზე საკლასო ოთახის შუაში ისე, რომ თვალსაჩინო იყოს ყველა მოსწავლისათვის.მასწავლებელი კითხვის დროს ხელს მიაყოლებს სიტყვებს,თან აჩვენებს სტრიქონიდან სტრიქონზე გადასვლის მიმართულებას.“დიდი წიგნის“ გამოყენება ეფექტურია საჩვენებელი/სამოდელო და ერთობლივი კითხვის ვარიაციების განხორციელებისას.

ამ რესურსით ვმუშაობთ მთელ კლასთან,როგორც წინასაანბანო,ანბანისა და სიტყვების წაკითხვის სწავლებისას,ასევე ანბანის შემდგომ პერიოდშიც.

1-ლ ფაზაში მასწავლებელი სვამს კითხვებს ილუსტრაციების შესახებ: რას ხედავენ სურათებზე, სად არიან, რას აკეთებენ პერსონაჟები და სხვა. ახალი ლექსიკის ასათვისებლად კი აცნობს იმ საგნების მნიშვნელობას, რომლებიც ვერ დაასახელეს მოსწავლეებმა.

მე-2 ფაზაში მასწავლებელი ატარებს სამოდელო კითხვის აქტივობასა და ასევე ერთობლივი კითხვის ვარიაცებს.

მე-3 ფაზაში მასწავლებელი სვამს ტექსტის გაგებაზე ორიენტირებულ შეკითხვებს; ამოწმებს ლექსიკის ცოდნასა და შეკითხვებით ეხმარება მოსწავლეებს ილუსტრაციების  აღწერაში.